منو نحن

عرسج جريب و ما تعرفين شو تشترين و من وين تبدين؟ موقع يباب.كوم يجمع الشركات و الانشطة التجارية الي لها علاقة بالعرس.. بتحصلين معلومات تفصيلية جداً عن اي شي تبينه في عرسج بدون ما تضيعين وقت و تروحين للمحلات لأن نحن انيب المحلات عندج! اذا شفتي او سمعتي عن محل يصمم او يبيع مثلاً فساتين العرس, أكيد تبين تعرفين الاسعار, الانواع, الوقت الي ياخذونه في العادة عشان يخلصون, مكانهم على الخريطة اذا ممكن, صور لبضاعتهم عشان تعرفين ان الشغل يناسب ذوقج ولا لا. كل هذه التفاصيل نحن نهتم فيها عشان نوصل المعلومة لج بطريقة سهلة. نغطي كافة جوانب العرس .. من محلات الفساتين مروراً بالمكياج و الشعر و الزهبة الى احتياجات ليلة العرس ... اجتهدنا في ان يكون المحتوى سهل و بسيط و ينفهم من أول مرة! حاولنا قدر الامكان انج تحصلين جواب لاي سؤال يكون في بالج.. لدرجة ان يوم تقرين المحتوى ..كل الي عليج تسوينه انج تروحين المحل و تشترين بدون سؤال.. لان كل الاجوبة عرفتيها عن طريق يباب.كوم قبل ما تروحين المحل! حتى لو كنتي معزومة لعرس, بتحصلين كل الي تبينه عندنا!